Седумгодишно момче од Велика Британија, голем љубител на авиони и пилотирање, се издигна во небото на својата прва лекција по летање.
Џејкоб Њусон од Лидс сонува еден ден да стане пилот. Неговиот татко Ендру му дозволи да присуствува на првиот час за летање и да управува со авион неколку секунди.
Тој ја презеде контролата врз Piper PA-28 Cherokee за време на летот надвор од аеродромот White Waltham во близина на Мејденхед, под будното око на инструкторот Марк Грин.
„Тој имаше контрола над леталото околу пет до 10 секунди и апсолутно беше воодушевен“, рече таткото Ендру.
Малиот Џејкоб додаде: „Беше прилично застрашувачко, мислев дека татко ми ќе повраќа“.
