Велат дека јаболкото не паѓа далеку од дрвото, а доказ за тоа е 13-годишниот син на познатиот готвач Џејми Оливер. Покрај тоа што неколку години самостојно готви, оваа година објави и своја книга со рецепти погодни за деца.
„Време е за возбудлива објава… Бади ја објавува својата прва книга за готвење наречена Ајде да готвиме со Бади Оливер! Сите сме многу возбудени што конечно ќе ја споделиме оваа вест со вас!“ пишува под објавата на младиот Бади на Инстаграм.
Неговата книга со рецепти официјално е објавена на 4 јули, а сега е достапна за нарачка однапред – на Амазон по цена од 18,40 фунти или нешто повеќе од 21 евро. Книгата за готвење ќе содржи повеќе од 60 рецепти наменети за децата и нивните родители.
Но, тоа не е сè – покрај забавните и едноставни рецепти, Бади на своите врсници ќе им даде и неколку совети како да ги практикуваат основните кулинарски техники и сами да подготвуваат разни едноставни јадења.
Бади Беар Морис Оливер е 13-годишниот син на Џејми Оливер кој тргна по стапките на својот татко. Минатата есен тој доби своја емисија на Би-би-си наречена Cooking Buddies, а има и свој профил на Инстаграм и канал на Јутјуб, каде често споделува рецепти за едноставни јадења.
Леб од банана, фахита, пржени јајца, омлети, мини пици, стек… нема ништо што овој 13-годишник не зготвил, а често готви со својот познат татко, а потоа го објавува на својот канал на Јутјуб и на Инстаграм.