Шпански град ќе наплатува влез на главниот градски плоштад за да го намали метежот

Plaza De Espana.jpg

Туристи кои го посетуваат шпанскиот град Севилја можеби наскоро ќе треба да платат влезница за да влезат на раскошната Плаза де Еспања, главниот плоштад во градот, како дел од плановите за намалување на метежот во преполната област, пишува Гардијан.

„Планираме да ја затвориме Плаза де Еспања и да наплаќаме влезници на туристите за да го финансираме неговото зачувување и безбедност“, рече градоначалникот Хозе Луис Санз, велејќи дека плоштадот покажува голема штета од пренатрупаноста.

Иако Санз јасно стави до знаење дека локалните жители сепак ќе имаат слободен пристап, многу локални жители го критикуваа планот.

„Туристичката такса за сите посетители предизвикува помалку контроверзии и носи повеќе приходи. Слушајте ги луѓето, а не хотелиерите“, напиша еден корисник. Друг додаде: „Она што луѓето го бараат од вас е туристичка такса и општо регулирање на масовниот туризам што го уништува нашиот град“.

Со повеќе од 3 милиони туристи годишно и 700.000 жители, Севиља е трет најпосетуван град во Шпанија, кој пак е една од најпосетуваните земји во светот, а туризмот сочинува 13% од БДП.

Многу градови се борат да најдат рамнотежа помеѓу масовниот туризам и одржливоста. Венеција годинава ќе воведе пробна такса за влез во градот од април со цел да се ограничи бројот на туристи.

Related posts

Четири намирници кои треба да ги јадеме за здрави црева

CityLife

Џеј Ло купува мебел со својата ќерка

CityLife

„Хермес“ претстави нова линија чанти „биркин“ направени од зеленчук

CityLife