Селма Хајек замалку ќе ја загубела битката со Ковид-19

Селма Хајек откри дека била на работ на животот и смртта откако се заразила со Ковид-19 во екот на пандемијата.

54-годишната актерка заболела од коронавирус минатата година и поминала неколку месеци закрепнувајќи од болеста, за која вели дека била толку лоша што нејзиниот лекар инсистирал да оди во болница на лекување.

Во интервју за холивудското списание „Вараети“ во кое Селма првпат зборува за својата битка со вирусот, таа рече: „Мојот доктор ме молеше да одам во болница затоа што беше многу лошо. Му реков не, благодарам. Повеќе сакам да умрам дома “.

„Вараети“ пишува дека Селма поминала седум недели во самоизолација во една соба во куќата во Лондон во која живее со сопругот Франсоа-Анри Пино и нивната 13-годишна ќерка Валентина.

„Во најголемата криза, била на кислородна поддршка. Таа сè уште не ја врати целосно енергијата што ја имаше некогаш,“ се наведува во статијата.

Иако не била во можност да го види сопругот или ќерката додека се самоизолирала, на Селма ѝ правел друштво куќниот миленик – бел був по име Керинг. Таа неодамна откри дека нејзиниот пердувест пријател спие со неа секогаш кога не е тука сопругот.

Related posts

Кралицата му го честита роденденот на правнукот

CityLife

Принцoт Хари проговори за инвазијата на приватност во Лос Анџелес: Не мислевме да живееме тука!

CityLife

Спајдермен конечно се враќа дома во „Дизни плус“ во нов договор со „Сони“

CityLife