Од 2030 година ЕУ ќе забрани пластична амбалажа во рестораните

20240305090553 Big 730x400 85.webp.webp

ЕУ постигна договор за забрана на пластична амбалажа на овошје и зеленчук во супермаркетите, мини пакувања кечап во рестораните и мали шишиња со шампон во хотелите во обид да се намали отпадот од пакувањето.

Согласно договорот, до 2030 година треба целосно да биде забранета употребата на пластична амбалажа за храна и контејнери за еднократна употреба во угостителството.

Според договорот, низа „формати на пластична амбалажа за еднократна употреба“, вклучително и употребата на фолии за заштита за куфери на аеродромите, ќе бидат забранети од 2030 година.

И натаму ќе бидат дозволено пакувања од хартија или картон.

Европратениците синоќа се согласија за клучниот текст на Зелениот пакт, кој ја поставува целта за намалување на обемот на отпад од сите видови пакувања во ЕУ за пет отсто од 2018 до 2030 година, потоа за 10 отсто до 2035 година и за 15 отсто до 2040 година.

Исто така, забрането е додавање на полифлуороалкилни супстанции (ПФАС) во амбалажата на храната, кои се штетни „вечни загадувачи“. 

Related posts

Повеќе луѓе го следеа погребот на принцот Филип отколку венчавката на Хари и Меган

CityLife

Кефирот има повеќе пробиотици од јогуртот

CityLife

Како песничките влијаат на говорниот развој кај бебето?

CityLife