Менаџерот на Бритни Спирс поднесе оставка

Човекот кој ја водеше кариерата на Бритни Спирс во последните 25 години се повлекува од функцијата нејзин менаџер.

Лери Рудолф, кој ѝ помогна на Спирс да го обезбеди првиот договор за снимање, рече дека намерата на sвездата официјално да се пензионира го натерала да се повлече

Овој потег следи две недели откако Спирс му откри на судијата во Лос Анџелес дека била принудена да настапува спротивно на нејзината волја.

Таа во моментов се обидува да стави крај на таканареченото конзерваторско старателство што управува со нејзиниот живот и финансии од 2008 година.

Рудолф ја објави својата намера да се повлече со писмо до таткото на sвездата, Џејми Спирс и ко-старателот Џоди Монтгомери.

„Поминаа повеќе од две и пол години откако Бритни и јас последен пат комунициравме, во кое време таа ме извести дека сака да направи пауза на неопределено време,“ напиша тој.

“Претходно денес, дознав дека Бритни ја изрази својата намера официјално да се пензионира. Како нејзин менаџер, верувам дека е во најдобар интерес на Бритни да се повлечам од нејзиниот тим, бидејќи моите професионални услуги повеќе не се потребни”.

Related posts

Сé повеќе луѓе сметаат дека на новото видео не е Кејт Мидлтон туку нејзината двојничка

CityLife

Твитот на Гал Гадот за насилството меѓу Израел и Палестина предизвика војна на социјалните мрежи

CityLife

Синот на Џејми Оливер има само 13 години, долго време готви, а сега објавува книга со рецепти

CityLife