Почина холивудскиот режисер Ричард Донер

119250053 Mediaitem119250052.jpg

Ричард Донер, режисерот на „Супермен“, „Гуниси“ и „Смртоносно оружје“, почина во понеделникот на 91-годишна возраст.

Веста ја потврди неговата сопруга, филмски продуцент Лорен Шулер Донер, во изјава за „Дедлајн“.

Неговиот прв пробив се случи со филмот The Omen („Пророштво“) во 1976 година, а подоцна ги продуцираше Free Willy („Ослободете го Вили“) и The Lost Boys („Изгубените момчиња“).

Стивен Спилберг, кој ја напиша приказната врз која се базира „Гуниси“, за „Варајети“ изјави дека Донер бил надарен за многу жанрови.

„Да се биде во неговиот круг беше слично на дружење со вашиот омилен тренер, најпаметен професор, најжесток мотиватор, најсакан пријател, најсилен сојузник и – се разбира – најголемиот Гуни од сите,“ рече Спилберг.

“Тој беше дете. Големо срце. Не можам да поверувам дека го нема. Неговото срдечно смеење ќе остане со мене засекогаш,“ додаде режисерот.

Related posts

Безалкохолното пиво е најприродна опција за рехидратација по вежбањето

CityLife

Гвинет Палтроу: Создадете навики за само-грижа

CityLife

Шест намирници кои го поддржуваат имунолошкиот систем и треба често да ги јадеме

CityLife