Гвинет Палтроу: Создадете навики за само-грижа

Малите секојдневни ритуали и грижата за себе влијаат многу позитивно на телото и умот, вели Гвинет Палтроу и им препорачува на жените да одвојат време во текот на денот за да практикуваат мини ритуали.

Многумина ја потценуваат грижата за себе и забораваат дека треба да обратат внимание на своите потреби и задоволства, особено во време на глобална здравствена криза.

Природен фејслифт познат како Bee Sting Facial, потоа постојано испирање со козјо млеко и јајца од жад за интимните делови на телото …Ова се некои од рутините за само-грижа кои ги препорачува актерката Гвинет Палтроу.

„Секоја жена може да практикува вакви мини-ритуали во услови на пандемија. Имам многу работа во моментот, но се обидувам да го започнам денот со 20 минути медитација, што ја правам со мојот сопруг секое утро“, изјави таа во видео интервју за „Стрејтс тајмс“.

„И на крајот на денот, се бањам околу 20 минути и тоа е моето време, минути за мене. Обожавам да ставам есенцијални масла и соли, да запалам свеќа и да медитирам. Тешко е да пробате нешто ново кога сте заглавени дома.“

Таа зборуваше за регионалните медиуми во нејзината нова улога како глобален амбасадор на компанијата за медицинска козметика „Мерц естетикс“, една од водечките компании на естетскиот пазар.

Мајка на две деца, која е омажена за телевизискиот продуцент Бред Фалчук , Гвинет оваа година наполни 49 години и се здоби со репутација на гуру за само-зајакнување и совети за велнес преку нејзината лајфстајл-компанија „Гуп“.

Брендот започна во 2008 година како неделен билтен за е-пошта што нуди совети за ново време, но прерасна во империја која се состои од е-трговија, велнес самити и, од неодамна, докуменарна серија за „Нетфликс“, насловена The Goop Lab („Лабораторијата на Гуп“) .

Related posts

Повеќе од пријатели? „Бенифер“ повторно на насловните страници

CityLife

Амброзио во совршена форма како и секогаш

CityLife

Анџелина Џоли повторно „уловена“ како влегува во зградата на првиот сопруг

CityLife