Раперот Ди-ем-икс е во тешка состојба во болница, изјави долгогодишниот адвокат на уметникот.
„Имаше срцев удар. Тој е прилично болен “, соопшти Ричман во саботата.
Тој додаде дека не може да ги потврди извештаите дека Ерл Симонс, чие уметничко име е Ди-ем-икс, се предозирал со дрога и дека не е сигурен што го предизвикало срцевиот удар.
“Јас сум многу тажен, бескрајно тажен. Тој ми е како син”, рече Ричман.
„Тој е прекрасна личност, голем забавувач, прекрасно човечко суштество. И има толку многу да понуди, толку многу да каже.“
Публикациите за селебрити-личности, „ТМЗ“ и „Билборд“ објавија дека срцевиот удар е резултат на предозирање со дрога.