Џон Траволта во неделата (9 мај), првиот Ден на мајката откако неговата сопруга Кели Престон почина од рак на дојка на 57-годишна возраст, се огласи на Инстаграм за да ѝ оддаде емотивна почест на покојната Кели.
Споделувајќи фотографии од него и Кели со нивните деца, холивудската sвезда напиша: „Драга Кели, во мојот живот донесе три најпрекрасни деца. Ти благодарам. Те сакаме и ни недостигаш. Среќен ден на мајката.“
На првата од двете фотографии што ги сподели Траволта (67), се гледаат тој и Кели со ќерката Ела Блу, сега 21 година, и новородениот Бенџамин, кој сега има 10 години.
Втората фотографија ја покажува двојката со нивниот првороден син Џет, кој почина во јануари 2009 година на 16 години. Џет имал аутизам и претрпел низа епилептични напади уште како мал.
Траволта и Престон се венчаа во 1991 година. Тие се запознаа во 1987 година на снимањето на филмот The Experts (1989).