Церемонијата на „Оскарите“ го додава Лондон за номинираните oд Британија

1.jpg

Британските sвезди ќе може да учествуваат на годинешното доделување на „Оскарите“ од локација во Лондон ако не успеат да стигнат во Лос Анџелес откако организаторите рекоа дека апликацијата „Зум“ не е опција.

Осум од 20-те номинирани актери годинава се Британци, вклучувајќи ги Саша Барон Коен („Судењето на седумтемина од Чикаго“), Кери Мулиган („Надежна девојка“) и Риз Ахмед („Звукот на металот“).

По објавувањето на номинациите, сите кандидати беа замолени лично да присуствуваат на настанот на 25 април.

Лос Анџелес е главната локација, но организаторите сега го додадоа и центарот во Лондон по загриженоста за патувања.

Меѓународните кандидати исто така ќе може да се појават од други локации со сателитски врски. Продуцентите на шоуто сè уште се надеваат дека нема да го користат „Зум“, но може да го ублажат својот став доколку некој не може да стигне до местата на емитување.

Повеќето гости ќе бидат во „Јуниот стејшн“, главниот железнички центар на Лос Анџелес, кој ќе стане место за 93. доделување на „Оскарите“. Дел од претставата ќе се одржи и на вообичаената локација на церемонијата, театарот „Долби“ во Холивуд.

Related posts

Екстрактот од канабис ги уништува клетките на ракот на кожата

CityLife

Поранешниот дом на кралицата и принцот Филип во Малта ќе стане музеј

CityLife

Кралското семејство на Монако го прогонуваат гласишта за проклетство

CityLife