Тејлор Свифт го сруши рекордот на топ листите поставен од „Битлси“, откако нејзината реиздадена верзија на Fearless се најде на првото место на официјалната табела за албуми.
31-годишната музичарка успеа нејзиниот трет албум Fearless (верзија на Тејлор) да се искачи на врвот на топ-листата само 259 дена по успехот на Folklore (31 јули) и Evermore (18 декември), што значи дека сега го држи рекордот за најбрза акумулација на три албуми број 1 на табелата во Велика Британија.
Пред Тејлор да го постигне ова, „Битлси“ – легендарниот бенд кој го сочинуваа Џон Ленон, Пол Макартни, Џорџ Харисон и Ринго Стар – го држеа рекордот 54 години со три албуми на место број еден 364 дена (1965- 1966). Тоа беа албумите Help! , Rubber Soul и Revolver.