Храната може да биде поттик за здравствени проблеми. Докторката Џенин Боуринг на ТикТок откри дека постојат три намирници кои можат да бидат особено лоши за мозокот бидејќи содржат транс масти.
„Транс масните киселини негативно влијаат на меморијата и размислувањето, особено кај помладите возрасни“, рече таа и препорача да се внимава со маргаринот, готовите колачи и готови мешавини за правење колачиња и бисквити.
„Ако вашите деца сакаат да ги јадат овие работи, мора да ги избегнувате бидејќи тоа негативно ќе влијае на нивниот мозок и способноста за учење“, предупреди др. Боуринг.
Транс мастите не се само лоши за мозокот, туку и за кардиоваскуларниот систем. Дизајнирани да го подобрат вкусот и да го продолжат рокот на траење, транс мастите можат да го зголемат нивото на лошиот холестерол додека го намалуваат добриот холестерол.