Познатата компјутерска игра „Симс“ од 2000 година ќе добие филмска адаптација. LuckyChap, продукциска куќа предводена од Маргот Роби, Том Акерли, Џози Мекнамара и Софија Кери, ќе го продуцира филмот заедно со Рој Ли и Мири Јон од Вертиго Ентертејнмент.
Electronic Arts, која ја објави играта, ќе се вклучи и во креативни и продукциски капацитети, пишува The Hollywood Reporter.
„Симс “ е компјутерска игра за симулација на живот во која играчите играат со помош на аватари кои имаат променливи особини на личноста, вештини и врски и поминуваат низ секојдневните животни задачи како подготовка на вечера и украсување на домот.