Британски медиуми пишуваат дека кралицата е со своите две нови кученца додека жали за загубата на принцот Филип.
Синот на кралицата, принцот Ендру ѝ подари на својата мајка две нови кученца од нејзината омилена раса додека принцот Филип беше во болница, а сега, наводно, таа наоѓа утеха во нивното друштво.
Кралицата отсекогаш била љубител на велшки корги.
Кралски извор откри: „Кралицата не планираше да земе нови кучиња бидејќи сметаше дека е премногу стара.
Но, Ендру беше тој што ја изненади својата мајка со две нови кутриња кога таа се почувствува сама во палатата, откако војводата беше пренесен во болница“.
Сопругот на кралицата со кого беше 73 години во брак почина на 9 април, неколку месеци пред да го прослави својот 100. роденден.
