Џенифер Лопез ја најави премиерата на „Принудна свадба“

Џенифер Лопез го откри датумот на премиерата на новиот филм во кој таа игра главна улога, среде тврдења дека нејзиниот поранешен свршеник Алекс Родригез се обидува да ја врати.

Акционата комедија Shotgun Wedding („Принудна свадба“) со Џенифер Лопез и Џош Духамел во главните улоги ќе се појави во киносалите следната година.

51-годишната суперѕвезда ја објави веста на својот Инстаграм во средата. „Голема вест! Филмот Shotgun Wedding излегува во кината на 29 јуни 2022 година! Едвај чекаме да го гледате,“ напиша Џеј Ло во описот на објавата, додавајќи неколку емотикони.

Во филмот на „Лајонсгејт“, Лопез и Духамел глумат свршена двојка која се подготвува да ги собере и двете свои семејства за нивната свадба. Парот има трема и малку страв, но сето тоа станува второстепено кога семејствата ќе бидат земени како заложници.

Објавата на Џенифер доаѓа неколку дена по тврдењата на некои таблоиди дека нејзиниот поранешен свршеник Алекс Родригез се обидувал повторно да ја освои по завршувањето на нивната свршувачка.

Related posts

Џеј Ло позира со полицајци на снимањето на ново музичко видео

CityLife

Мадона го бодри синот фудбалер заедно со својот многу помлад љубовник

CityLife

Гал Гадот на прошетка со најмалата ќерка

CityLife