Најдобриот тенисер во светот, сопственикот на многу рекорди и трофеи во „белиот спосрт“, Србионот Новак Ѓоковиќ во ексклузивно интервју на австралискиот телевизиски канал Nine Network меѓу другото зборуваше и за деновите пред години. Ѓоковиќ се сеќава на своето детство и на траумата што ја имал во Белград. -Поминавме низ две војни, бевме под ембарго од 1992 до 1996 година, а потоа ниту еден спортист од Србија не можеше да учествува на меѓународни натпревари. Тоа беа предизвикувачки времиња, но тоа ме направи посилен. Мислам дека судбина ми беше да играм тенис и да постигнам големи резултати, изјави Ѓоковиќ и се присети: -Имав 12 години во време кога имаше два и пол месеци непрекинато бомбардирање. Понекогаш се сеќавам на тоа, најмногу кога слушам огномет, бидејќи ме потсетува на експлозии на бомби. Не е пријатно, веројатно е траума од детството. Мислам дека тоа е поврзано и со фактот дека не се откажувам. Кога е во прашање бомбардирањето Ѓоковиќ смета дека тоа одиграло голема улога во неговиот успех денес. -Во Србија има една изрека: можете да ни го убиете телото, но не и нашата душа. Јас верувам во тоа. Погледнете колку тенисери во историјата го постигнале тоа што јас го постигнав? Не се фалам, само сакам да се потсетам што постигнав, рече Ѓоковиќ.
Ѓоковиќ: Огнометите ме потсетуваат на бомбардирањето !
