Филмот „Ослободување на Скопје“ продаден во Кина

 

Филмот „Ослободување на Скопје“, снимен во македонско-хрватско-финско-британска копродукција, а во режија на Раде и Данило Шербеџија, е откупен и ќе биде прикажуван во Кина.

 

Претставниците на италијанскиот агент за продажба „Самерси интернешнл“ изјавил дека за филмот има интерес и во повеќе јужноазиски територии, вклучувајќи ги Тајван, Сингапур и Малезија.

„Ослободување на Скопје“ е прв режисерски филмски проект на Раде Шербеџија, што го направи заедно со синот Данило. Филмот е базиран на познатиот драмски текст на Душан Јовановиќ.

Филмот од македонска страна беше реализиран од продукциите „Кино око“ и „Партисанс“, односно Роберт Насков, Горјан Тозија, Владимир Анастасов, а автор на музиката е Влатко Стефановски.

Во главните улоги играат Давид Тодосовски, Силвија Стојановска, Раде Шербеџија, Луција Шербеџија, Небојша Глоговац, Мико Ноусаинен, Петар Мирчевски, Јани Вирман, Денис Абдула, Аксел Мехмед, Дејан Лилиќ и други.

Related posts

Уште еден филм за „Трансформери“ доаѓа од режисерот Енџгел Мануел Сото

CityLife

Американска премиера на „Бикини Мун“ на Манчевски во Калифорнија

CityLife

Почина познатиот актер кој јавно призна дека е геј

CityLife