Апликацијата Tелеграм воведе голем број ажурирања како што се аудио и видео пораки кои може да се видат само еднаш пред да исчезнат или можност за паузирање на снимањето додека се испраќаат пораки.
Корисниците на Телеграм сега можат да почнат да снимаат со допирање на иконата „Види еднаш“ за да му овозможат на примачот да ја слуша или гледа пораката само еднаш, пренесува TechCrunch.
Оваа функција е одлична за секој кој сака да испраќа чувствителни податоци или медиумска содржина.
Покрај тоа, Tелеграм воведува можност за паузирање и продолжување на снимањето за гласовни и видео пораки преку истото мени.
Компанијата со седиште во Дубаи, исто така, воведува некои нови функции за премиум корисниците, како што е можноста да се скрие времето кога корисникот прочитал нечија порака.