Снимањето на „Невозможна мисија 7“ повторно прекинато

Снимањето во Велика Британија на „Мисија: невозможно“, најновиот од акционата сага, е прекинато две недели откако некои луѓе кои работат на филмот имале позитивен тест за коронавирус, соопшти „Парамаунт Пикчрс“ во четвртокот.

Филмското студио не соопшти кој или колку луѓе биле позитивни на тестот, но британскиот весник „Сан“ објави дека sвездата Том Круз не е меѓу нив.

“Привремено ја запревме продукцијата на Mission: Impossible 7 до 14 јуни поради позитивни резултати од тестот за коронавирус во текот на рутинско испитување. Ние ги следиме сите протоколи за безбедност и ќе продолжиме да ја следиме ситуацијата”, се вели во соопштението на Парамаунт.

Весникот „Сан“, повикувајќи се на неименувани извори, наведува дека 14 членови на продукцијата биле позитивни на тестот по снимањето на сцена во ноќен клуб, и дека Круз, како и другите луѓе кои работат на сетот, ќе мора да се самоизолира 14 дена.

„Невозможна мисија“ е меѓу најголемите франшизи во Холивуд. Седмиот филм во серијалот беше еден од првите филмови што ја прекина продукцијата поради пандемијата. Снимањето во Венеција, Италија беше откажано во февруари 2020 година.

Related posts

(Видео) Драмата „Татковство“ ќе дебитира на 18 јуни

CityLife

На повидок ТВ-серија за Одри Хепберн

CityLife

Џон Ву првпат во жанрот суперхерои со Monkey Master на Стен Ли

CityLife