Симптомите кои укажуваат дека ви недостасува магнезиум и 5 природни начини за надополнување на овој важен минерал

Ova.jpg

Магнезиумот е важен за здравјето на забите, коските, срцето, бубрезите и мускулите, помага и за регулирање на други хранливи материи, како што се бакар, цинк и витамин Д. Присутен во скоро сите клетки, чувар на нервниот систем, магнезиумот игра важна улога во бројни функции на телото и учествува во повеќе од 300 ензимски реакции.

Човечкото тело во просек содржи околу 25 грама од овој минерал: 60 проценти од вкупната количина се складира во коските, околу 25 проценти се користат од мускулите (магнезиумот стимулира мускулна релаксација), а останатите 15 проценти се дистрибуираат до мозокот , срцето, црниот дроб и бубрезите.

Магнезиумот учествува во преносот на нервните импулси, во производството на протеини и во регулирањето на срцевиот ритам. Исто така, го регулира цревниот транзит и на тој начин спречува запек. Покрај тоа, тој е одличен природен лек против стрес бидејќи го поттикнува воспоставувањето нервна и психо-емоционална рамнотежа.

Симптомите кои укажуваат на недоволно внесување на магнезиум се:

* постојано чувство на замор

* напнатост

* нервоза

* стрес

* несоница

* грчеви

* понекогаш запек

5 природни начини за надополнување на магнезиум:

Банани

Можеби најлесниот начин да добиете магнезиум е да јадете банана. Една банана содржи 32 mg магнезиум.

Спанаќ и кељ

Спанаќот и кељот се богати со влакна, антиоксиданси, витамини и минерали како што е магнезиумот.

Овес

Една чаша овесна каша содржи 61 mg магнезиум. Ако на овој појадок додадете малку семки и коскесто овошје, тој број ќе го зголемите.

Семиња

Семките од тиква, оревите, бразилските ореви, бадемите и ф’стаците се добри извори на магнезиум, кој помага при анксиозност и депресија. Тие исто така го подобруваат расположението бидејќи содржат протеини, влакна, здрави масти и други хранливи материи.

Темно чоколадо

Чоколадото кое содржи повеќе од 80 проценти какао е богато со антиоксиданси. Содржи и многу магнезиум.

Related posts

Бруклин Бекам отвора ресторан во Лондон

CityLife

Кралското семејство навива за Англија на синоќешниот натпревар

CityLife

Стотици подводни артефакти пронајдени во брод потонат во Арктикот пред 180 години

CityLife