Фановите на популарниот серијал „Џон Вик“ добија неколку добродојдени вести во понеделникот кога еден од актерите откри дека дека во тек е снимањето на четвртиот дел од акционата сага.
Шамир Андерсон, кој е еден од новите ликови во серијалот со Киану Ривс како титуларен атентатор, на својот Инстаграм објави фотографија на која се гледа столче на локацијата за снимање, што значи дека филмот е пуштен во продукција.
„Започна …“ напиша тој, и ги означи продуцентските куќи кои го снимаат филмот.
Набргу по неговата објава на социјалните мрежи, официјалниот Твитер- профил на Џон Вик сподели фотографија со столот со опис: „Започна продукцијата на JohnWick4.“
Филмската франшиза почна кога поранешен платен убиец тргна во потера по насилниците кои упаднаа во неговиот дом, му го украдоа неговиот винтиџ автомобил и го убија неговото сакано куче. Во продолженијата објавени во 2017 и 2019 година, Џон е во бегство откако водачот на бандата ќе постави награда за неговата глава.
Најновиот филм ќе се снима на локации во Франција, Германија и Јапонија.