Дизајнерот Албер Елбаз, кој работеше во некои од најпознатите модни куќи во Франција, почина во саботата во Париз на 59-годишна возраст.
Елбаз, можеби најпознат по неговата работа во „Ив Сен Лоран“ и „Ланвин“, почина од Ковид-19, соопшти моднаta компанија „Ричемонт“ со која тој реализира свој моден проект и создаде сопствен бренд.
Од 2001 до 2015 година, Елбаз беше уметнички директор во „Ланвин“ и беше заслужен за подмладување на брендот.
Миленик на познати личности како Мерил Стрип и Натали Портман, тој неодамна започна свој бренд, AZ Factory.
Неговиот деловен партнер Јохан Руперт ја пофали неговата инклузивна визија за модата и рече дека Елбаз работел да ги реализира своите соништа за паметна мода.