Мјузиклот за принцезата Дијана првин на „Нетфликс“, а потоа на Бродвеј

Новиот мјузикл за принцезата Дијана ќе има премиера на „Нетфликс“ пред планираното отворање на Бродвеј во декември, соопштија продуцентите во вторникот во иновативен потег за промовирање на проектот.

Во едно од првите бродвејски шоуа со цврста најава за датум на премиера по прекинот од една година среде пандемија, соопштено е дека Diana: The Musical ќе ја отвори вечерта на сцена на 16 декември.

Но, пред тоа, ќе биде објавен на „Нетфликс“ на 1 октомври, изјавија продуцентите, во она што се смета за прв ваков аранжман за нова сценска претстава.

„Шансата да ја споделиме нашата претстава, првин со глобалната публика на ‘Нетфликс’, а потоа да ја пречекаме публиката во живо на Бродвеј, е нешто за што сите сонувавме повеќе од една година“, велат продуцентите во соопштението.

Театрите на Бродвеј се затворија во средината на март 2020 година поради пандемијата. Затворањето сега официјално се протега до јуни 2021 година, но театарската заедница во Њујорк очекува мјузиклите и претставите во живо да се вратат во септември.

Според светските шоубиз-медиуми, премиерата на мјузиклот „Дијана“ на стриминг-платформа пред да дебитира на Бродвеј е досега невиден потег за забавната индустрија, која тешко се справува со пандемијата.

Ова е првпат во историјата бродвејска претстава да оди директно на малите екрани пред да има театарско деби.

Related posts

Шер изненади фан со Алцхајмерова болест

CityLife

Џулиен Мур: Фразата „грациозно стареење“ е тотално сексистичка

CityLife

(Видео) Фeдерер покажува актерски вештини во реклама со Де Ниро

CityLife