Дали некогаш сте се запрашале зошто скршеното огледало наводно носи седум години несреќа? Едно од најпознатите верувања датира од дамнешните времиња, кога изработката на овој предмет била многу скапа, бидејќи се правел од ретки материјали, како вулканско стакло. Го имале само богатите.
Прочуените венецијски мајстори од XV и XVI век, не сакале да го откријат занаетот, но и за повеќе да ја кренат вредноста на својот производ, покренале приказна дека оној кој ќе го скрши огледалото, ќе биде несреќен.
Дури и старите римјани имале своја теорија, верувајќи дека огледалото ја „фаќа“ душата додека се гледаме во него, па кога ќе го сршиме, таа останува расцепена во делчињата и потребни се седум години за да се обнови.