Чипсот е идеалниот избор за грицки за навечер кога гледате фудбал или уживате во маратонско гледање на вашата омилена серија.
Кога е чипсот во прашање, многу често се прашуваме која е причината поради која кесата со чипс никогаш не е полна.
Одговорот е дека не е чипсот малку, туку кесата е голема, а полна е со воздух бидејќи на тој начин се заштитува чипсот од оштетување. При транспорт се случува доставувачите да не внимаваат како ги пренесуваат намирниците, па ако не е полна со воздух кесичката, многу е веројатно дека ќе добиете ронки со вкус на чипс.
Но тоа не е сè. Всушност, кесите чипс не се полнат со обичен воздух, туку со разреден азотен гас, кој помага во одржување на свежината на чипсот. Се работи за гас кој е сосема безбеден при производството на храна.