Кучето или мачката може да ви го разубават животот, но имаат големо влијание и на вашето ментално и физичко здравје. Домашните миленици, како што се кучињата и мачките, не само што се најдобри крзнени пријатели, туку и позитивно влијаат на здравјето на нивните сопственици.
Го намалуваат стресот
Играњето со домашно милениче го зголемува нивото на окситоцин (хормон на среќата) во телото и во исто време го намалува нивото на кортизол (хормон на стрес). Раси кои најдобро помагаат во ова се Јоркширски Териер, Боксер, Лабрадор, Бишон, Дакел. Експертите од Универзитетот во Њујорк открија дека додека прават нешто стресно, луѓето се посмирени ако нивното куче е во близина.
Ја ублажуваат болката
Миленичето може да биде најдобриот лек за хронични болки, како што се мигрена или ревматизам. Откриено е дека луѓето кои закрепнале по операцијата со своите миленици користеле помалку лекови против болки од оние кои немале домашно милениче.