Во текот на зимските месеци, многу луѓе имаат настинка или кашлица. Доколку проблемите се малку поголеми, луѓето бараат помош и олеснување во лековите, но нутриционистот Ањали Мукерџи советува во лекувањето да се вклучи и конзумирање на одредени зачини. Нутриционистот верува дека овие зачини можат да ни помогнат да ги победиме настинките и кашлицата.
Црн пипер
Според нутриционистот, црниот пипер делува лековито на грлото. Богат е со витамин Ц и антиоксиданси, може да го зајакне имунитетот и да ја ублажи кашлицата и настинката. Мукерџи препорачува ако имате кашлица да испиете шолја чај од црн пипер и ѓумбир со мед.
Цимет
„Циметот може да помогне во ослободување од болки во грлото и настинки“, објаснува Мукерџи. Овој омилен зачин е преполн со антиоксиданси кои можат да се борат против вирусите и бактериите. Нутриционистот истакнува дека пиењето топла вода со цимет и мед може да ја ублажи болката во грлото.
Каранфилче
Health Shots известува дека каранфилчето е полно со антиинфламаторни својства што го прави совршен за смирување на болки во грлото, кашлица и настинка. Каранфилчето може да се џвака или пие во комбинација со топла вода или да се додаде во чајот. Како друга опција, Мукерџи истакнува дека масирањето со масло од каранфилче може да ги исчисти блокираните назални пасуси.
Кардамон
Кардамонот може да го зајакне имунитетот, тврди нутриционистот. Конзумирањето на овој зачин може да помогне да се намалат симптомите на настинка, но и да се ублажи силната кашлица. Тој истакнува дека овој зачин може да се додаде во чајот или да се џвака за посакуваниот ефект.