Британец кој се преселил во Австралија за да стане полицаец, починал за време на свршувачката откако се лизнал и паднал на земја, при што ја отсекол каротидната артерија, пишува Индипендент. Трагедијата се случила во Западна Австралија.
Лијам Тример (29) почина во неделата во својот дом во Западна Австралија додека се забавуваше со пријателите и семејството. Толпата се обидела да го спаси младиот полицаец, но тој не можел да се спаси. Тример починал од обилно крварење непосредно пред брзата помош да пристигне на местото на настанот, соопшти полицијата.
Неговите колеги од полицијата го опишуваат Тример како „извонреден полицаец кој сакал да и помага на заедницата“. Истрагата за смртта на 29-годишникот е покрената бидејќи не е јасно како паднал и се здобил со смртоносна повреда на вратот.
Тример се преселил во Австралија од Велика Британија во 2013 година и дипломирал на полициската академија Joondalup. После тоа се преселил во градот Калгорли. Тој се приклучил на Одредот против банди и на тимот за тактичка реакција во тие сили и станал еден од истакнатите членови на локалната заедница, пишува Индипендент.
Телото на Тример е испратено на обдукција, соопштија властите.