Били Ајлиш ќе го издаде својот втор албум Happier Than Ever („Посреќна од кога било“) на 30 јули.
19-годишната суперѕвезда ја потврди веста и ја откри насловната фотографија на албумот во објава на Инстаграм во вторникот.
„Мојот нов албум Happier Than Ever излегува на 30-ти јули!“, напиша таа. „Ова е моето најомилено дело што некогаш сум го создала, многу сум возбудена и едвај чекам да го слушнете“.
Насловната фотографија на албумот го покажува новиот русокос изглед на Били.