На 8 април во Скопје ќе се одржи 17. Државно првенство на бармени, во организација на Здружението на бармени на Македонија. Настанот ќе се реализира во хотелот „Континентал“, каде што најдобрите бармени од земјава ќе ги покажат своите вештини, креативност и професионализам.
Натпреварот ќе започне во 11:00 часот со квалификацискиот дел, по што ќе следува полуфиналето од 14:00 часот. Големото финале, во кое ќе се избере најдобриот бармен во Македонија, е закажано за 18:00 часот.
Победникот од ова престижно натпреварување ќе ја претставува Македонија на Светското првенство на бармени, кое ќе се одржи во Макао во октомври оваа година.
Организаторите информираат дека сите заинтересирани граѓани и љубители на коктел-културата се добредојдени да присуствуваат и да уживаат во атрактивниот настан.
Повеќе информации за натпреварот може да се најдат на официјалната веб-страница www.bar.mk.
Поканата ја упати претседателот на Здружението на бармени на Македонија, Филип Арнаудов, кој изрази надеж за голема посетеност и успешна реализација на настанот.