Овој холивудски актер е познат по драстичните трансформации кои ги постигнува за своите улоги, а поради новиот имиџ е речиси непрепознатлив.
Холивудскиот филмски свет е благословен што има актер во својата индустрија кој може драстично да се менува за секоја улога, да ослабе или да се здебели, како и да ја смени косата или брадата.
Но, последната промена на имиџот на овој актер навистина го промени, а многумина воопшто не би го препознале.
Кристијан Бејл наскоро ќе започне со снимање на новиот филм „Франкенштајн“ во кој глуми, а за таа улога мораше да ја скрати косата.
50-годишниот актер беше забележан во Лос Анџелес со очила за сонце и свежо избричена глава додека одеше на кафе во Брентвуд. Папараците, се чини, не го ни забележаа, а тој опуштено уживаше на сонцето на слободниот ден.
Во минатото во два филма ја постигна невозможната промена за многумина.
За улогата во филмот „Исчезнување“ ослабе речиси 30 килограми, а многумина стравуваа за неговото здравје поради анорексија. Потоа го доживеа спротивното за следниот филм „Американски измамници“, во кој го надомести изгубеното и качи 20 килограми.
„Јадев многу крофни, многу чизбургери и се останато. Буквално јадев се што ќе ми дојде до рака“, изјави тој за People по завршувањето на снимањето.
Последен пат Бејл беше виден во јавноста на почетокот на февруари, каде заедно со сопругата Сандра Блажиќ свечено започнаа со изградба на згрижувачки дом.
Тој е во брак со Сандра Бејл, Американка со српско потекло, повеќе од 20 години, а во една прилика изјавил дека поради неа слави два Божиќа.
„Празнуваме два Божиќа, во декември и во јануари, бидејќи православните христијани го слават според различен календар“, откри Кристијан.
Кристијан ретко зборува за Сандра, но призна колку го воодушевила штом ја запознал и променила некои негови ставови.
“Сите во моето семејство беа разведени, па немав многу здрави идеи за бракот. Потоа ја запознав Сиби и одеднаш ми изгледаше како фантастична идеја”, признал тој.
На крајот на 60-тите, семејството на Сандра се преселило во Америка од тогашна Југославија, каде што подоцна се родила како Србослава Блажиќ, а подоцна го променила името. Кристијан и Сандра се запознале на крајот на 90-тите и се заљубиле на прв поглед, а се венчале во 2000 година во Лас Вегас. Заради љубов дури и започна војна со семејството, поточно со мајка му и сестра му. Не ја сакале Сандра и зборувале лошо за неа, што тој не го одобрувал.
Нејзе ѝ должам сè во мојот живот, таа е исклучителна и силна жена“, изјави еднаш Кристијан. Заедно со Сандра ја има ќерката Емелин и синот Џозеф, кој на негово инсистирање научил и да зборува српски јазик.