Градежна компанија од Јужна Кореја нуди 70 илјади евра за раѓање на дете на своите вработени. Се надеваат дека со ова ќе се реши проблемот со падот на наталитетот во земјава.
Од 2021 година, компанијата потрошила 4,8 милиони евра заа 70 бебиња, пари кои им биле дадени на нејзините вработени, објави Чосун Дејли. Вработените од двата пола имаат право на парите.
На вработените со три деца им се нуди и сума од 208 илјади евра или трајна кирија за стан од 85 квадрати.
„Ако наталитетот во Кореја остане низок, земјата ќе се соочи со криза на исчезнување за 20 години. Нискиот наталитет е резултат на финансиските оптоварувања и тешкотиите во балансирањето на работата и семејниот живот, па затоа решивме да преземеме таква драстична мерка “, рече основачот на компанијата Бујонг Ли Јонг-кеун.
Кореа тајмс известува дека Јужна Кореја се соочува со алармантно ниски стапки на фертилитет со проектиран пад на населението што не е забележан од 1970-тите.
Во 2022 година, нацијата забележа најниска стапка на плодност во светот од 78%, што се очекува да падне на 65% до 2025 година.