Пејачката и ток-шоу водителка Кели Кларксон ќе го преземе местото на Елен Деџенерис на американската телевизија, потврди мрежата „Ен-би-си“.
На почетокот на овој месец, Деџенерис објави дека нејзиното ток-шоу ќе заврши во 2022 година по 19 сезони. Водителката рече дека заминува затоа што нејзината емисија „повеќе не е предизвик“.
Ен-би-си соопшти дека „Шоуто на Кели Кларксон“ – сега во својата втора сезона – ќе ја замени програмата на Деџенерис од есен 2022 година.
Трејси Вилсон, извршна потпретседателка на NBCUniversal Syndication Studios, изјави: „Кели и целиот наш продукциски тим го вложија своето срце, заложба и неверојатна страст во создавање на емисија која одекнува кај луѓе од сите возрасти, култури и потекла.“
Текстот Кели Кларксон ќе ја замени Елен Деџенерис на американската ТВ е превземен од МАКФАКС.