Џорџ Клуни вели дека неговиот живот бил празен пред да ја запознае сопругата Амал Клуни.
Sвездата на „Полноќно небо“ се ожени со познатата адвокатка и борец за човекови права во 2014 година и имаат тригодишни близнаци Ела и Александар.
Актерот не сфатил дека нешто му недостасува во животот сè додека не ја запознал Амал.
„Има луѓе чија цел е: Морам да имам деца! Мојaта не беше. Јас не размислував така и си велев: Мојот живот ќе биде неисполнет без деца. Се чувствував како да имам прилично исполнет живот.“
„Тогаш ја запознав Амал и сфатив дека мојот живот е прилично празен. И кога станав татко на овие две деца, тогаш одеднаш сфатив колку било неверојатно празно,“ рече тој во „Тудеј шоу“ на Ен-би-си.
Џорџ призна дека татковството му го направило животот исполнет, додавајќи дека децата му дале сè што Холивуд не можел.
Говорејќи како гостин во утринската програма на Ен-би-си, тој рече: „Чувство на припадност и чувство на дом и безусловна љубов – сите работи за кои сте се надевале дека ќе ги добиете од добра кариера и куче. Сфаќате дека ова е многу повеќе од тоа.“