Џенифер Лопез и Бен Афлек ја оставија јавноста да се прашува за статусот на нивната врска откако беа забележани заедно кон крајот на април, кратко по нејзината разделба од тогашниот свршеник Алекс Родригез.
Но, се чини дека дуото ја потврди својата обновена романса на вечера во отмен ресторан во Западен Холивуд во понеделникот.
Џенифер и Бен стоеа прегрнати додека чекаа да бидат сместени во новиот ресторан „Волфганг Пак“ во отмениот хотел „Пендри“.
Папараците направија десетици фотографии со вљубените. На една од нив, 51-годишната латино дива ја навалува главата во вратот на 48-годишниот оскаровец, а тој цврсто ја држи со едната рака.
Таблоидите објавија дека вечерата траела неколку часа и дека подоцна им се придружил долгогодишниот менаџер на Лопез, Бени Медина, и нејзината продуцентка Елејн Голдсмит-Томас.