Џулиен Мур: Фразата „грациозно стареење“ е тотално сексистичка

4ebd9140 Db13 11eb Affe 8912a72ca3f4.jpg

Холивудската актерка Џулиен Мур ја критикуваше фразата „старее достоинствено“ нарекувајќи ја тотално сексистичка затоа што најчесто се користи за жени.

60-годишната црвенокоса која секогаш воодушевува со својот стил, коментарите ги даде во новата насловна статија за магазинот As If, пренесува неделникот „Пипл“.

„Има голема доза на осудување во поимот достоинствено стареење. Зарем постои недостоинствен начин на стареење?“ рече ѕвездата на „Ханибал“.

„Секако, немаме друга опција. Никој нема опција за стареење, па затоа не е позитивна или негативна работа, едноставно е. Тоа е дел од човековата состојба, па зошто секогаш зборуваме за тоа како да е нешто над кое имаме контрола?“

„Како деца ни е даден наратив дека продолжуваме да растеме во училиште, потоа можеби одиме на факултет, и тогаш завршува и идејата за раст,“ рече Џулиен. Таа сепак истакна дека во тој момент на луѓето им останува да го живеат својот живот, и во меѓувреме постои потенцијал за внатрешен раст.

„Да продолжиме да се предизвикуваме себеси, да се интересираме, да учиме нови работи, да бидеме покорисни за другите луѓе, да бидеме личност што им е потребна или посакувана на вашите пријатели и семејство. Како да продолжуваме да се развиваме? Како подобро да се снаоѓаме во животот за да имаме уште подлабоки искуства? Тоа треба да биде стареењето.“

Џулиен со одобрување ја цитираше оскаровката Хелен Мирен која еднаш рече: „Во животот имаш две можности: или да умреш млад или да остариш“.

Related posts

Австралиецот не се предава! Објави нови фотографии како доказ на својата теза дека е син на Чарлс и Камилa

CityLife

„Љубовен остров“ се враќа по пауза од 18 месеци

CityLife

Сликата на Битлси направена во Јапонија е продадена за 1,74 милиони долари

CityLife