Принцот Вилијам и Кејт го честитаа роденденот на Арчи

Британските медиуми ги пренесуваат кралските почести што го одбележаа вториот роденден на Арчи и потсетуваат дека синот на војводата и војвотката од Сасекс со седиште во Монтесито ќе стане постар брат ова лето.

Арчи Маунтбатен-Виндзор во четвртокот (6 Мај) наполни две години.

И додека родителите на малиот Арчи го славеа овој посебен ден, пристигнаа бројни кралските почести од другата страна на океанот. Кралицата, Кларенс Хаус, војводата и војвотката од Кембриџ и други членови на монархијата споделија роденденски желби на социјалните мрежи заедно со емотивни семејни фотографии – главно направени непосредно по неговото раѓање кога двојката живееше во Велика Британија.

По стапките на кралицата и на таткото на принцот Хари, кои први го честитаа роденденот преку кралскиот профил на Твитер, така и принцот Вилијам и Кејт, војводата и војвотката од Кембриџ, споделија честитка и фотографија – семеен портрет направен при неговото крштевање со присутните војводата и војвотката од Корнвол, и мајката на Меган, Дорија Рагланд.

Арчи Харисон Маунтбатен-Виндзор е роден на 6 мај 2019 година во болницата Портланд во Лондон. Тој во моментов е седми во редот за тронот зад неговиот татко Хари.

Related posts

„Годзила против Конг“ на врвот на боксофисот со најголема заработка од почеткот на пандемијата

CityLife

Зак Ефрон не може да најде купувач за куќата во Лос Анџелес

CityLife

Ќе го носам мојот розов фустан за тебе: Војвотката од Кембриџ лично се обедини со мала пациентка со леукемија

CityLife