Почина холивудскиот режисер Ричард Донер

Ричард Донер, режисерот на „Супермен“, „Гуниси“ и „Смртоносно оружје“, почина во понеделникот на 91-годишна возраст.

Веста ја потврди неговата сопруга, филмски продуцент Лорен Шулер Донер, во изјава за „Дедлајн“.

Неговиот прв пробив се случи со филмот The Omen („Пророштво“) во 1976 година, а подоцна ги продуцираше Free Willy („Ослободете го Вили“) и The Lost Boys („Изгубените момчиња“).

Стивен Спилберг, кој ја напиша приказната врз која се базира „Гуниси“, за „Варајети“ изјави дека Донер бил надарен за многу жанрови.

„Да се биде во неговиот круг беше слично на дружење со вашиот омилен тренер, најпаметен професор, најжесток мотиватор, најсакан пријател, најсилен сојузник и – се разбира – најголемиот Гуни од сите,“ рече Спилберг.

“Тој беше дете. Големо срце. Не можам да поверувам дека го нема. Неговото срдечно смеење ќе остане со мене засекогаш,“ додаде режисерот.

Related posts

Совети за посјајни бели чорапи

CityLife

Спајдермен конечно се враќа дома во „Дизни плус“ во нов договор со „Сони“

CityLife

Првиот проект на принцот Хари и Меган за „Нетфликс“ ќе биде за игрите Инвиктус

CityLife