По денот што требаше да биде нејзиниот 60-ти роденден минатата недела, покојната Дијана, принцезата од Велс во моментов е во голема мера присутна во мислите на многумина.
Повеќе од две децении од нејзината смрт, таа останува вистинска икона на стилот, со иста доза на елеганција во слободното време, како и во официјалниот кралски гламур.
А Дијана, продолжува да биде синоним за неколку внимателно избрани модни додатоци или аксесоари – вклучувајќи ја и нејзината омилена „Гучи“ чанта со рачки од бамбус, која оваа недела беше повторно издадена.
Креативниот директор на „Гучи“, Алесандро Микеле, надгледуваше голем број заживувања на некои од потписите на куќата. Неговата неодамнешна колекција Gucci Beloved ги вклучува „Џеки 1961“ (преименувана во чест на Џеки Кенеди која честопати ја носеше својата G1244, како и Gucci Horsebit 1955 (дизајн од пред шест децении).
Италијанската модна куќа ја редизајнираше класичната чанта што ѝ беше омилена на принцезата Дијана во 90-тите.