На 12 и 13 септември ќе се одржи ВМ Класик Рели – Запад, вториот натпревар од Државното првенство во рели на прецизност со историски возила, како и Ретрокана 2 – натпревар во спретно возење со историски возила.
Натпреварот ќе започне од Скопје, од сквер Јадран, од каде учесниците ќе тргнат на првата етапа, која ќе заврши во Фалише, Тетово. Втората етапа ќе заврши во Дебар, а натпреварувачкиот дел од релито ќе финишира во Вевчани, каде ќе биде организирана изложба на историски возила за посетителите.
По завршувањето на изложбата, учесниците ќе се упатат кон Струга, каде Хотел Ембла и оваа година ќе биде домаќин на релито. Во хотелот ќе се одржи свеченото прогласување на најуспешните натпреварувачи и доделувањето на наградите.
Вториот ден од манифестацијата учесниците ќе се упатат кон Јегуновце, каде ќе се одржи Ретрокана 2 – натпревар во спретно возење со историски возила, кој ќе го заокружи овогодишното издание на ВМ Класик Рели – Запад.