Ковид се менува, ова се најчестите симптоми кај новите случаи

Омикрон и неговите варијанти и подваријанти сè уште се присутни, а симптомите на болеста повторно се менуваат

Покрај вообичаените симптоми, лекарите забележуваат дека некои пациенти сега пријавуваат нови симптоми, кои вклучуваат дијареа, намалена количина на урина и болка во градите.

„Кај пациентите со Ковид се зголемува бројот на акутен коронарен синдром, миокарден инфаркт (срцев удар). Има пациенти кои пријавуваат неспецифични симптоми како болка во градите, намалена урина, дијареа, а потоа излегуваат дека се позитивни на коронавирусот“, вели Акшај Будраја, виш консултант за респираторна медицина во „Aakash Healthcare“.

Покрај овие споменати симптоми, лекарот ги забележал следните симптоми кај новите случаи на Ковид:

– вртоглавица

– екстремна слабост

– привремено губење на мирис и вкус

– треска

– кашлица

– отежнато дишење

– замор

– болки во мускулите или телото

– главоболка

– воспалено грло

– течење или затнат нос.

Подваријантата на омикрон „omicron BA 2.75“ има повисока стапка на пренос. Неодамна беше откриен во Делхи. Главниот научник на Светската здравствена организација, Соумја Сваминатан, рече дека се чини дека BA.2.75 мутирал на начин што може да укаже на „големо имуно бегство“, што може да значи дека оваа подваријанта може да зарази луѓе кои веќе имаат антитела од претходната вакцинација.

Сепак, добрата вест е што оваа варијанта не предизвикува сериозни болести. Лекарите, исто така, забележаа дека моменталниот период на опоравување за повеќето пациенти трае околу една недела.

Related posts

Не смеете да ја сушите облеката на радијатор, тоа може да ви го загрози здравјето

citylogin

По вакцинирањето, не смеете да ги правите овие 6 работи

citylogin

Mоќен напиток ги чисти крвните садови со неверојатна брзина

citylogin