Ким Кардашијан Вест негираше какво било знаење за античка римска скулптура која била увезена под нејзино име во 2016 година.
Скулптурата – позната како Фрагмент од Мироновата Атeна – била дел од пратка вредна 750,000 долари, која што била запленета од американски царински службеници бидејќи била украдена, шверцувана и нелегално извезена од Италија.
Уметничкото дело датира од првиот век и било увезено во Лос Анџелес во 2016 година под името на Ким.
Нејзин портпарол изјави: „Ким никогаш не го купила ова парче и сега првпат дознава за неговото постоење.“
„Веруваме дека можеби е купено со нејзино име без одобрение и затоа што никогаш го нема добиено, таа не била свесна за трансакцијата. Ние охрабруваме истрага и се надеваме дека ќе им се врати на вистинските сопственици.“
Кога царински службеници го испитуваа „Ноел Робертс траст“ – колективно име за фондот Freeman Group, Inc. & Kim Kardashian – тие покажаа сметкопотврда за статуа купена во Париз во 2012 година.