(Видео) Саудијците ќе градат стадион на врв на карпа висока 200 метри

Саудиска Арабија планира да изгради високотехнолошки стадион на врвот на карпа висока 200 метри за Светското првенство во 2034 година.

Саудијците останаа единствениот кандидат за домаќин на Светското првенство, а на крајот очекувано ФИФА ги прогласи за домаќини на најголемиот фудбалски турнир.

Дотогаш Саудијците планираат да воспостават доминација како еден од главните играчи во светскиот спорт.

Се очекуваа огромни инвестиции во стадионите, а беше претставен и концептот на еден од нив, кој ќе биде вистинско светско чудо.

Станува збор за стадион со капацитет од 45.000 седишта кој ќе биде изграден на врвот на карпа висока 200 метри во близина на главниот град Ријад.

Стадионот ќе го носи името на принцот Мухамед бин Салман, а ќе биде повеќенаменски, па покрај спортски ќе биде домаќин и на забавни и културни настани.