Новите дресови на германската репрезентација предизвикаа голема дискусија веднаш откако беа претставени во јавноста. Некои сметаа дека пепрезентацијата не треба да се натпреварува во розова опрема, а други ја сметаа светлата боја на дресовите храбра и убава.
Во тие розови дресови Германците ја победија Холандија со 2-1.
Возбудата за розовиот дрес стивна, но се појавија нови маки околу дресовите за ЕП.
Според „Билд“, „Адидас“ одлучил да ја откаже понудата и производството на дресови со бројот 44 испечатен во онлајн продавницата.
Според дизајнот на фонтот, овој број премногу потсетува на забранетите ознаки на СС од нацистичка Германија.