Повеќе луѓе го следеа погребот на принцот Филип отколку венчавката на Хари и Меган

Кралското семејство минатиот викенд го погреба својот сакан сопруг, татко, дедо и прадедо – војводата од Единбург.

Тоа беше сончев пролетен ден – како и прва сабота откако пабовите и рестораните можеа да почнат да ги служат своите гости по ублажувањето на строгиот локдаун – сепак настанот го следеа 13,6 милиони гледачи, објавија британски медиуми во понеделникот.

Истите извори тврдат дека 13,6 милиони Британци се вклучиле во саботата – и покрај тоа што беше прва сабота со ублажен локдаун.

Известувањето, односно целосното покривање на погребот се одвиваше на три ТВ-канали, „Би-би-си“ со 11 милиони гледачи, „Ај-ти-ви“ со 2,1 милиони, и 450.000 на „Скај“.

Потоа беше емитувана 50-минутната церемонија, предводена од деканот на Виндзор, пред да биде положен покојниот војводата во кралскиот трезор, до кралот Џорџ Шести и мајката на Елизабета Втора (позната како кралица Мајка).

Во однос на другите кралски прилики емитувани на ТВ, погребот на Дијана, принцезата од Велс, сруши рекорди со 31 милиони гледачи, наспроти 10 милиони за погребот на кралицата мајка пет години подоцна (иако тоа се одржа во работен ден, вторник).

Погребот на принцот Филип привлече половина милион повеќе гледачи од венчавката на војводата и војвотката од Сасекс, на која се вклучија 13,1 милиони луѓе.

Related posts

Елен Деџенерис најави крај на своето шоу по 19 години во етерот

CityLife

Восочните фигури на Хари и Меган дислоцирани од кралското семејство во „Мадам Тисо“

CityLife

Пол Макартни откри дека јогата за очи му го подобрила видот

CityLife